Reactívanse o punto limpo da Pobra e o servizo de recollida de residuos voluminosos

18 Maio 2020

Co inicio desta semana, reiniciouse a actividade no punto limpo municipal da Pobra do Caramiñal, ao que cómpre engadir o servizo de recollida de residuos voluminosos, polo que as veciñas e veciños que estiveron os días pasados, na fase máis crítica do Estado de Alarma, aprazando o intre de desfacerse dalgún elemento que pola seu tamaño e características non podía ser depositado nos contedores convencionais, xa pode facelo a través das súas devanditas vías: ou ben achegándose ao punto limpo ou ben contactando co servizo de recollida.

Os horarios de atención ó público no punto limpo son de 10:00 a 13:00 de luns a sábado. O Concello lembra que neste espazo será imprescindíbel manter as medidas de seguridade estabelecidas para a prevención da transmisión da COVID-19.

Polo que respecta á recollida de residuos voluminosos en puntos próximos ós domicilios formalizarase a través de aviso previo no teléfono 981 871 808, onde o servizo de atención ao público da concesionaria de recollida de lixo determinará o día e hora da recollida.

A respecto do regreso destes servizos, o Concello da Pobra aconsella facer usos deles con “responsabilidade”, co obxectivo de garantir a meirande seguridade sanitaria.

Outros artigos

Historias e inglés conflúen nunha sesión de contacontos na Pobra

A aula de estudo situada na planta superior da biblioteca municipal Victoriano García Martí acollerá no sábado 20, ás 11.00 horas, o contacontos en inglés Storytelling Sally Senses que achega a academia Kids&Us Ribeira coa colaboración da Concellaría da Cultura da...

+

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...