As dilixencias abertas contra o presunto abusador proceden do xulgado de instrución número 1 de Ribeira (A Coruña).
A fiscalia relata que en 2017 o home entrou na habitación onde estaba a menor vendo a televisión “coa escusa de instalar a wifi”. Nese momento achegouse a ela e, tombándose na cama ao seu lado, ofreceulle diñeiro para comprar lambetadas e “ao mesmo tempo comezou a realizarlle tocamentos en zona vaxinal e peitos”. Só parou cando a menor propinoulle un lapote, reza o documento. Ademais, noutra ocasión, días despois, a menor estaba no baño e o seu parente achegouse a ela por detrás e empezou a “fregar os seus xenitais contra ela” ata que ela empuxouno para separarse. Por estes motivos, a audiencia provincial xulgará o caso o próximo 5 de xuño, ás 9,30 horas da mañá na sección sexta, situada en Santiago. Alí, o home será xulgado a porta pechada por un delito de abusos sexuais. Enfróntase a unha pena de cárcere de 5 anos e ao pago dunha indemnización de 6.000 para o representante legal da menor polos danos morais causados.