Tras varios días á baixa ata rebaixar a 2.727 o número de casos activos, os últimos datos da Dirección Xeral de Saúde Pública da Consellería de Sanidade publicados este sábado constatan un repunte e elevan a 2.758 os positivos confirmados por Covid-19 en Galicia.
O lixeiro incremento na cifra de positivos por coronavirus prodúcese xusto unha semana despois de que o Goberno central autorizase paseos ou a práctica de exercicio físico fóra dos domicilios a determinadas franxas horarias.
O salientable é que as UCIs seguen á baixa en número de pacientes. A maior parte dos positivos en Galicia correspóndense aos rexistrados na área de Vigo (754), a zona máis golpeada, seguida da Coruña (650), Santiago (500), Ourense (426), Lugo (166), Pontevedra (147) e Ferrol (115).
