O Concello e a Biblioteca da Pobra únense ás celebracións do Día das Letras Galegas

Malia que a crise sanitaria impón medidas de limitación ao presencial (o que obrigou á aprazar as actividades tradicionais para outubro), os nosos concellos non queren deixar pasar a oportunidade de celebrar o Día das Letras Galegas, este 17 de maio, cuxa edición 2020 (sen dúbida a edición máis virtual de cantas se teñen celebrado) vai adicada ao autor e intelectual ferrolán Ricardo Carvalho Calero, alma mater da recuperación da cultura (e a lingua) común de dous pobos irmáns: o galego e o portugués. O Concello e a Biblioteca Municipal da Pobra uníronse á celebración colectiva, e fano principalmente a través do Facebook da Biblioteca (onde se irán achegando contidos e actividades arredor da cultura galega e o legado de Carvalho Calero) e dende a páxina web do Concello.

O programa comezou con contidos para a rapazada: un breve repaso da vida e obra de Ricardo Carvalho Calero, narrado polo alumnado de quinto da primaria do colexio San Pío X (Ourense).