O Concello de Ribeira desbloquea a contratación de 17 obras

07 Maio 2020

O Concello de Ribeira vén de anunciar o desbloqueo, logo das interrupcións motivadas polo Estado de Alarma, da contratación de 17 obras públicas no ámbito municipal, un conxunto de actuacións que implican un investimento global de 1.367.000 euros. Este xoves 7 de maio en sesións telemática, a xunta de Goberno aprobou un total de 9 expedientes de contratación e 8 clasificacións (tamén denominadas “adxudicacións provisionais”, que, segundo indicou o Concello, “deveñen en definitivas unha vez á empresa adxudicataria presenta a documentación requirida”).

No relativo aos expedientes de contratación, o Goberno ribeirense informou que os proxectos teñen relación cunha nova fase na renovación de servizos e pavimentación na avenida da Coruña (desta volta, entre a rúa da Caramecheiro e a praza dos Estudantes) e coa dotación de beirarrúas e canalización de pluviais en Cubeliños, coa renovación de servizos e pavimentación no lugar de Outeiro (Carreira), a construción de beirarrúas e subministro de auga potábel na rúa Luis Pimentel (Aguiño), a pavimentación da estrada de Bretal a Reiriz (Olveira), a pavimentación das rúas Fontenova e Alto do Rial (Castiñeiras), a pavimentación e reordenación do parque infantil do Colexio de Artes e a mellora da envolvente térmica da antiga escola unitaria e a pavimentación e pluviais na rúa Atalaia (ambas en Corrubedo). Suman investimentos por 923.018 euros, quedando pendente de aprobar tamén o expediente para a renovación de servizos da rúa do Vilar (Palmeira, cunha inversión de 134.602 euros) á espera de obter algunha autorización administrativa.

Polo que se refire ás clasificacións, figuran a pavimentación e instalación de rede de pluviais na rúa da Cruz e a instalación de rede de saneamento con pozo de bombeo na rúa dos Bolos (ambas en Aguiño), a pavimentación e instalación de rede de pluviais no Vilar (Carreira), a pavimentación e instalación de rede de pluviais en Pedra do Pino e o reforzo da rede de pluviais e ampliación do saneamento na rúa Bos Aires (ambas en Corrubedo), a pavimentación do camiño de Sancortes e do camiño do cemiterio de Oleiros (Oleiros) e unha que beneficia a tres parroquias: beirarrúas en Iñeiras (Olveira), Francisco Lorenzo Mariño (Aguiño) e Abesadas (Santa Uxía). A estas sete obras hai que engadir a clasificación da terceira fase da escavación no xacemento arqueolóxico de Castro da Cidá. Sumando cada prezo de adxudicación provisional, supón unha inversión de 444.840 euros.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...