O Concello de Rianxo tirará proveito das vídeo-conferencias para coñecer as necesidades dos autónomos e dos negocios locais

22 Maio 2020

Os nosos concellos están a pór en marcha medidas para paliar as consecuencias económicas da pandemia, medidas que queren ter unha especial incidencia nos ámbitos máis vulnerábeis: as pemes, nas empresas pequenas e nos autónomos. Nesta liña de traballo, o Concello de Rianxo, a través da área de Promoción Económica e Desenvolvemento Local, anunciou que vai organizar xuntanzas por vídeo-conferencia (a través da ferramenta libre Jitsi) con persoas autónomos ou propietarias dun pequeno negocio para “analizar a actual situación provocada pola COVID-19, escoitar necesidades e valorar propostas de colaboración por parte do Concello”.

A primeira das vídeo-conferencias está prevista para este 26 de maio, en horario de 9.00 a 14.00 horas.

O Goberno local, que ten canle propia en Jitsi a través da cal canalizar estas comunicacións co tecido produtivo rianxeiro, indica, que o acceso á plataforma pode facerse a través de dispositivo móbil (teléfono ou tableta) ou computador persoal (portátil ou sobremesa). Na páxina do Concello indícanse polo miúdo os procedementos requiridos para tirar proveito da dita ferramenta.

Outros artigos

Unha muller ferida nun accidente na autovía en Asados

Unha persoa necesitou atención por parte dos servizos sanitarios logo dun accidente de tráfico ocorrido preto das cinco da tarde deste martes na autovía de Barbanza. O vehículo que conducía saíuse da vía na zona de Asados e terminou envorcado sobre o asfalto. Os...

+

Publicidade

Revista en papel

Opinión

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...