Convocadas eleccións galegas o 12 de xullo

O presidente da Xunta, Alberto Núñez Feijóo, convocou eleccións en Galicia para o 12 de xullo. “Véxome obrigado a convocar nesta data, cando os expertos indícanme que pode haber máis certezas. A partir da terceira semana de xullo dinme que hai máis risco.”, asegurou o Presidente.

Unha vez máis fai coincidir os comicios co País Vasco, algo que xa é case unha tradición. Desta forma o presidente galego evita un outono que promete ser moi complicado no económico e no social como consecuencia da crise do coronavirus.