Aprazado sin fecha o estreno do thriller ”A illa das mentiras” baseado no naufraxio do vapor-correo Santa Isabel e previsto para finais deste mes de maio

A película “A Illa das mentiras” dirixida por Paula Cons, e que ía ser estrenada en Ribeira o próximo 29 de maio aprazouse sin fecha ante a situación sanitaria actual. O film utiliza como argumento o naufraxio do vapor-correo Santa Isabel acontecido o 2 de xanero do 1921 e do que se van cumprir 100 anos. Neste tráxico suceso morreron 213 persoas e salvaronse 53.

Aínda que arranca en Sálvora durante o naufraxio, o argumento é unha ficción novelada que non narra os feitos reais do acontecido aínda que os usa como referencia.

Precisamente o pasado 1 de marzo fixo un ano que se presentou no Museo Municipal de Ribeira o proxecto da grabación da película que se iniciaría tres dias despois baixo o título inicial de “Santa Isabel” si ben posteriormente cambiouselle o nome.

Presentación do inicio da rodaxe da película hai un ano no Museo Municipal de Ribeira

A película desenvolve a historia na Illa de Sálvora, aínda que está gravada en Muros, O Grove, Santiago, Arzúa e Oza dos Rios amais de en Ribeira. Trátase dun thriller escrito pola directora da película Paula Cons. O film conta con Nerea Barros, Dario Grandinetti e Aitor Luna como actriz e actores principais.

Paula Cons falou para O Barbanza recen rematada a gravación da película salientando que “O interesante do filme son as mulleres e a illa de Sálvora” 

Paula Cons directora de “A Illa das mentiras”