A vaga de calor fai chegar á nosa comarca até os 34º

28 Maio 2020

A vaga de calor que afecta estes días a Galicia (e que seguirá activa, achegando temperaturas sufocantes, até comezos da semana que vén) é anómala non só polo intre no que chega, en pleno mes de maio, senón tamén pola súa incidencia xeográfica: non afecta só ás zonas do interior da nosa terra, habitualmente as máis castigadas por estas incidencias climática, senón tamén á costa, onde se están a rexistrar temperaturas máis altas que en moitas zonas de Ourense malia a proximidade do mar. Nos concellos de Barbanza estanse a superar os 30 graos en moitas zonas, e en determinadas contornas do concello de Boiro foron rexistradas temperaturas equivalentes ás de Ourense cidade ou ás do Ribeiro: 34 graos.

A nivel estatal este feito guinda outra circunstancia anómala que rompe calquera previsión ou rexistro previo: as temperaturas que se están a acadar en toda Galicia son maiores cás que se teñen estes días en Andalucía e Estremadura.

A xornada de hoxe será con toda probabilidade a máis cálida desta semana para os concellos do Barbanza: non haberá case ningún punto da comarca onde se baixe, nas horas máis quentes do día, dos 30 graos de temperatura. No interior de Galicia hai aviso por treboadas.

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...