A Subdelegación do Goberno completará mañá xoves a distribución das máscaras aos concellos de máis de 20.000 habitantes coa entrega do material reservado para Santiago de Compostela e Ribeira. Na xornada de mañá levará a cabo tamén o operativo de entrega de máscaras a diferentes entidades sociais da provincia, nun dispositivo que estará coordinado por Cáritas, Cruz Vermella e do Comité Español de Representantes de Persoas con Discapacidade ( CERMI).
A Subdelegación do Goberno da Coruña iniciou hoxe a distribución de máis de 200.000 máscaras aos concellos da provincia e a diferentes entidades sociais. Desta maneira púxose en marcha a segunda fase do operativo disposto polo Goberno para repartir un total de 344.000 máscaras na provincia coruñesa, destinadas para usuarios e usuarias do transporte público, concellos e colectivos sociais.
O operativo para a distribución do total de 344.000 máscaras na provincia coruñesa concluirá coa entrega do material destinado polo Goberno de España aos concellos de menos de 20.000 habitantes, entre eles o resto dos do Barbanza, que será realizado a través da Deputación da Coruña, segundo o acordo alcanzado entre o Executivo presidido por Pedro Sánchez e a Federación Española de Municipios e Provincias (FEMP).
