A Biblioteca Municipal de Boiro abrirá a partir do mércores para o préstamo de libros en horario reducido

11 Maio 2020

O Biblioteca Publica Municipal do Concello de Boiro, situada na Casa da Cultura, abrirá este mércores, en horario reducido, para o préstamo e devolución de libros. O horario no que prestará servizo a partir do día 13 será de luns a venres pola mañá, de 9.00 a 13.00 horas, e os martes e xoves pola tarde, de 17.30 a 20.30 horas.
Para garantir a saúde e seguridade do persoal da biblioteca e das persoa usuarias da mesma adoptáronse unha serie de medidas como son a limpeza e desinfección do espazo e o seu acondicionamento con mamparas de protección, así como a colocación de dispensadores de xel hidroalcólico. Polo momento non se permite a presenza na sala para lectura ou estudio.
Na fase 1 o aforo está limitado a so unha persoa, por iso se recomenda
pedir cita telefónica para evitar esperas e aglomeracións no 981 84 84 10.
Deste xeito as persoas usuarias poden facer xa o seu pedido por teléfono e telo listo cando cheguen para recollelo. O acceso á biblioteca farase con máscara e luvas e hai que manter as distancias de seguridade de 2 metros. Polo momento so prestará servizo a biblioteca de Boiro, a situada no Centro Social de Escarabote permanecerá pechada.
As condicións de prestamos mantéñense, pero os servizos de renovación e devolución amplíanse e todos aqueles libros que tiñan data de vencemento a partir do 13 de marzo renóvanse automaticamente ata o 11 de xuño. Por seguridade, os libros que se devolvan non poderán volverse prestar ata que pase un mínimo de 14 días.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...