O Ministerio de Sanidade actualizou o balance de contaxiados e falecidos por coronavirus en España ao 15 de maio:
- 27.459 mortos. A víspera contabanse 27.321. Son 138 máis.
- 230.183 confirmados por PCR. Ata onte xoves eran 229.540. Son 549 máis, fronte ós 506 novos do mércores.
- 144.783 curados. 143.374 altas acumuladas o día anterior. Son 1.409 máis.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia ascende a 2.008, deles 494 son da área da Coruña, 122 da de Lugo, 320 da de Ourense, 107 da de Pontevedra, 478 da área de Vigo, 413 da de Santiago, e 74 da de Ferrol. Do total de pacientes positivos, 22 permanecen en UCI, 111 están en unidades de hospitalización e 1.875 no domicilio. Polo de agora, en Galicia hai un total de 8.283 persoas curadas, rexistrándose 601 falecementos. O número de PCR realizadas é de 122.456.
O número total de vitimas é de 601. Na xornada de onte non se rexistraron falecementos en centros residenciais.
En Galicia faleceron un total de 269 persoas vinculadas con residencias, ao redor dun 45% do total de mortes por coronavirus da comunidade. Delas, 132 faleceron dentro dos propios centros xeriátricos, mentres que 137 fixérono ou ben en hospitais ou ben en residencias integradas, que dependen da Consellería de Sanidade.
Uso do 061 para casos graves e emerxencias e o 900 400 116 para dúbidas
