O grupo empresarial Jealsa de Boiro donou esta semana 2.000 máscaras FFP2 ao Clínico de Santiago para ser repartidas entre o persoal sanitario da área sanitaria de Santiago e Barbanza.
Xunto con outras achegas aos centros de saúde de Boiro, A Pobra, Ribeira e Rianxo, e a asociación Amicos, eleva a 5.000 estas unidades de protección que a conserveira adquiriu para doazóns. Desde o inicio da crise, Jealsa repartiu altruistamente máis de 50.000 máscaras entre os concellos barbanceses. A maior parte elaborounas a firma téxtil do grupo, Jealfer. A directora de Relacións Institucionais de Jealsa, Margarita Hermo, sinala que “o compromiso social é un dos eixos estratéxicos do noso programa de RSC, WeSea”.
