O Xulgado de Instrución número 2 de Ribeira, en funcións de garda, condenou ao pagamento dunha multa de 600 euros un veciño da Pobra do Caramiñal por cometer un delito continuado de desobediencia, coa agravante de reincidencia. O sospeitoso, que xa foi condenado o pasado 1 de abril por incumprir o confinamento, chegou a un acordo coa Fiscalía sobre a pena, polo que a xuíza ditou sentenza oral na sala. O sospeitoso, que é drogodependente, recoñeceu que saíu á vía pública sen xustificación en trece ocasións, entre o 1 e o 10 de abril.
