Stop Deshaucios Barbanza agradece a solidariedade da conserveira Ignacio González Montes

01 Abril 2020
OLYMPUS DIGITAL CAMERA

A Plataforma Stop Deshaucios Barbanza atópase estes días especialmente envorcada en pór de manifesto os problemas sociais e económicos que está a desencadear a pandemia de COVID-19, que agravan os xa existentes na nosa comarca en relación ao acceso á vivenda, emprego e acceso a recursos básicos. É por este motivo que a plataforma quere recordar a importancia da solidariedade para paliar a situación das familias.

Neste senso, agradeceu as recentes doazóns da conserveira Ignacio González Montes de Ribeira, “porque grazas á súa colaboración solidaria, nestes días, puideron ser entregadas latas de conservas, concretamente de atún, a algo máis de medio centenar de familias en situación de risco da comarca do Barbanza”.

A plataforma tamén quere destacar o importante esforzo das veciñas e veciños do Barbanza á hora de seguir as obrigas e restricións do Estado de Alarma decretado polo Goberno central, ás que anima a seguir cumprindo coas disposicións sobre a mobilidade “para loitar contra o COVID-19”. Stop Deshaucios Barbanza tamén se lamentou, ao mesmo tempo, da complicada situación pola que están a pasar moitas persoas dos nosos concellos, que permanecen “habitando infravivendas, chabolas e caravanas”, ou mesmo directamente na rúa.

Outros artigos

Publicidade

Revista en papel

Opinión

“Auditorio” – José Manuel Pena

“Auditorio” – José Manuel Pena

Xa é unha grata realidade, o novo auditorio. Ribeira, necesitaba un auditorio en condicións e adecuado ao seu número de habitantes e da importante poboación da propia comarca do Barbanza. Este pasado sábado chegouse a inaugurar oficialmente, coa presenza de diferentes...