O Concello de Rianxo colocou as bandeiras a medio mastro fronte á fachada principal do consistorio. Precisamente unha das últimas vítimas mortais do coronavirus na comarca foi un rianxeiro, de 85 anos e veciño da parroquia de Asados, que presentaba patoloxías previas e que levaba varios días ingresado xa na unidade de críticos do Hospital Clínico de Santiago.
A decisión foi notificada polo concello nos eguinte comunicado:
“Os portavoces das forzas políticas do Concello decidimos colocar desde hoxe as bandeiras do concello a media hasta na memoria e solidariedade coas vítimas rianxeiras do Coronavirus e as súas familias e por extensión con todas as que se están a producir nestes tempos de dificultades que tocaron vivir máis coa esperanza de xuntos, como colectividade, saír adiante”.
Á morte do veciño rianxeiro súmase a dun veciño de Carnota, de 86 anos e que se atopaba ingresado no Hospital Comarcal de Cee. Desta forma, e á espera da catualización de datos, sumamos xa tres falecidos na comarca barbanzana desde o inicio da epidemia, con outras tres persoas ingresadas na actualidade no Hospital dá Barbanza de Oleiros.
