Na comarca os portos beneficiarios figuran os da Pobra do Caramiñal, Aguiño, Cabo de Cruz, Palmeira, Portosín, Rianxo e Taragoña.
A Consellería do Mar, a través de Portos de Galicia, acaba de enviar ao Diario Oficial da Unión Europea o anuncio previo de licitación do servizo de redacción de proxectos de obra para máis de medio cento de actuacións en portos por un importe total de 3,1 millóns de euros. Estes proxectos, cuxo anuncio aparecerá recollido na publicación comunitaria nas próximas semanas, céntranse en estudos marítimos, ambientais, estudos de patrimonio, de chan, e estudos de alternativas, anteproxectos e proxectos construtivos. Desde Mar explican que Portos opta pola tramitación desta licitación a través dun anuncio previo no Diario Oficial da Unión Europea co obxectivo de axilizar os prazos para a tramitación das obras. En base a esta vía administrativa, reducirase o período de presentación de ofertas unha vez iniciada a licitación, que se estima que terá lugar durante o segundo trimestre do ano.
