O estudo epidemiolóxico da Xunta está a desvelar que o coronavirus apenas penetrou en Galicia, a pesar dos 546 falecidos alcanzados e a delicada situación que atravesan as residencias de maiores. Representantes dos colexios de médicos indican que se están atopando cunha “porcentaxe altísima de negativos” nos primeiros días do estudo que pretende elaborar un mapa do Covid-19 na comunidade. De feito, indican que a porcentaxe de positivos podería estar por baixo do 1%. Desde o Colexio de Médicos de Pontevedra, afirmase que “se o test funciona ben, preocupa moito” os resultados no que vai de desenvolvemento do estudo, que comezou o venres pasado. “A porcentaxe de negativos é altísimo en toda Galicia”, afirman que “por encima do esperado”.
Poñen como exemplo que “nunha área sanitaria de Galicia o venres fixéronse 400 test e só dous foron positivos”, polo que estimou que no que vai de estudo, con menos do 50% do censo escollido testado, a porcentaxe de positivos na comunidade sitúase “por baixo dun 1%”.
Estes resultados fixeron saltar as alarmas entre os profesionais en dúas direccións. Por unha banda, preocúpalles que os test non estean a funcionar. Por outro, advirten que se o estudo está correcto, os inmunes estarán por baixo do 10% ou do 5%. Se confirman estes datos, “a desescalada vai ser un auténtico problema”.
Desde o Colexio de Médicos de Ourense afirman que 90% da poboación está virxe; non estivo en contacto co virus e se o test funciona correctamente …. o risco de contaxio pode ser brutal”. (Axencias)
