O Museo de Pontevedra convídanos a reproducir dende a nosa casa O Cego de Padrenda, de Castelao

21 Abril 2020

O Museo de Pontevedra é estes días un fervedoiro de propostas de divulgación e lecer directamente encamiñadas a suavizarnos o confinamento e facérnolo, dentro do posíbel, máis enriquecedor. Onte sorprendeunos coa iniciativa #MírateNoEspello, coa que se suma a unha proposta global que reta á xente, dende os seus fogares, a recrear todo tipo de cadros famosos. Trátase, máis en concreto, de que reproduzamos unha obra de arte coma se fose o noso reflexo.

O museo pontevedrés súmase deste xeito ao desafío viral lanzado por outros centros internacionais como por exemplo o Museo Nacional de Ámsterdam ou o Getty dos Ánxeles, que están a encher as redes sociais con creacións nas que, coa etiqueta “entre a arte e a corentena”, imítanse pezas recoñecidas con obxectos cotiáns para pasar con bo humor estes días.

A elección da peza do Museo a representar por parte da cidadanía é libre, mais desde o equipo técnico propoñen tres posibilidades; unha para ser interpretada por unha soa persoa, outra por unha parella e outra por un grupo. Unha vez escollida cómpre imaxinala e reproducir a escena, o ambiente e os personaxes “da forma máis fiel posíbel” e coas cousas, persoas e mascotas que haxa na casa. A única condición é non usar o Photoshop. Logo hai que facer unha fotografía e compartila no Facebook do Museo, ou subila nos perfís propios publicamente co cancelo #MírateNoEspello.

Desde o Museo lembran que se pode “recrutar” a todas as persoas que se queira e coas que se estea a pasar o confinamento, “sempre tirando de bo humor”.

Tres propostas concretas

Para impulsar o reto, a institución achega tres obras concretas a reproducir: a pintura Señora con sombreiro, do marinense Manuel Torres (a denominada “Gioconda galega”, foi pintada durante a súa estadía en París; por iso é unha moza de ambiente urbano, tan distinta das mulleres labregas e mariñeiras que aparecen na maioría dos cadros do artista).; O xantar, do ourensán Silvio Fernández Rodríguez-Bastos (un dos cadros que se levou dende a nosa terra á Exposición Nacional de Belas Artes en 1890, representa a unha parella xantando no campo, con traxe rexional e con produtos típicos galegos; é un exemplo perfecto da nosa mellor pintura rexionalista) e O cego de Padrenda, de Castelao (obra creada en 1910 polo célebre artista, escritor e político rianxeiro, nela inmortaliza un dos últimos xograres, Eugenio Padín, máis coñecido como o cego de Padrenda, ou polo seu alcume, “o Xan Pirulé”, título dunha das súas cantigas máis famosas; esta obra pertenceu ao antigo Hotel Calixto de Cambados, que estaba situado na praza do Concello).

Outros artigos

Rosana Pérez reclama máis solo industrial na comarca do Barbanza

A deputada do BNG Rosana Pérez vén reclamar no Parlamento máis superficie industrial para O Barbanza, ao tempo que lembrou a “escaseza clamorosa” de solo empresarial en Barbanza Arousa, onde os catro parques empresariais existentes (Ribeira, A Pobra, Boiro e Rianxo)...

+

Publicidade

Revista en papel

Opinión

“A Folla seca”. Antón Luaces

“A Folla seca”. Antón Luaces

Aprendendo da vida (III) --------------------------------- Aquela prostitución existente na Galicia do derradeiro terzo do século XX non é máis ca unha lembranza ingrata. Os bares de alterne daquela época están pechados. Na actualidade, o que foi o seu exercicio ten...

“España no va como un cohete”. José Castro López

“España no va como un cohete”. José Castro López

La Comisión Europea eleva al 2,1 por cien el crecimiento del Producto Interior Bruto(PIB) en 2024, cuatro décimas por encima de pronósticos anteriores, prevé que Españacumplirá el objetivo del 3 por cien del déficit que exigen las reglas fiscales, espera quecontinúe...