O Instituto de Mediación Educativa de Ribeira #IMER puxo en marcha, en colaboración co Concello, un servizo gratuíto denominado Programa de apoio emocional para afrontar o confinamento. A iniciativa está dirixida a estudantes do municipio.
Son cinco terapeutas e profesionais en psicoloxía os encargados de levar adiante esta iniciativa e a intención do proxecto é que os estudantes non estean sós e poidan participar, telemáticamente, en talleres con especialistas. Ademais os mozos recibirán asesoramento emocional e estratexias para afrontar o confinamento polo COVID-19.
O proxecto está dirixido a alumnos de ESO, bacharelato, FP e FP básica. Os interesados en sumarse a este programa poderán anotarse nos teléfonos 621 334 980 e 621 334 991. Un dos obxectivos do proxecto é reducir os desaxustes emocionais producidos pola prohibición de non estar en contacto co exterior. Tamén se trata de achegar aos participantes un catálogo básico de habilidades preventivas de conduta como a ansiedade, trastornos do soño ou da alimentación.
