Despois da primeira xornada de distribución de hoxe, o Goberno proseguirá mañá, martes, 14 de abril, na provincia da Coruña a repartición das máscaras enviadas a Galicia para a protección da poboación. O reparto realizarase nas principais cidades da provincia, como A Coruña, Santiago, Ferrol, Ribeira e comarca, Noia e contorna, áreas metropolitanas da Coruña, Santiago e Ferrol, e Carballo e Costa da Morte, con especial incidencia naqueles puntos de gran afluencia de persoas, como estacións de autobuses, estacións de trens, paradas de buses urbanos e interurbanos, contornas portuarias e dos principais polígonos industriais e empresariais. A distribución contará coa participación de axentes da Policía Nacional, Policía Local, Garda Civil e voluntarios de Protección Civil, entre as 7 e as 9 horas.
