O Goberno galego vén de realizar un novo subministro de material de protección fronte ao COVID-19 con destino ás residencias e entidades sociais da comarca de Barbanza. Trátase dunha partida con 1.081 máscaras, 2.400 luvas e 100 traxes anti-salpicaduras. En total estamos a falar de 3.581 unidades de material.
Aos devanditos equipos súmanse diferentes lotes para os centros sociais do Barbanza, que recibiron esta semana 18 botes de xel hidroalcohólico e 6 garrafas de 5 litros de desinfectante. No reparto, segundo informou a Xunta, tivéronse en conta as peticións que os propios centros e entidades trasladaron á Administración autonómica “tendo en conta as súas necesidades actuais”.
Balance total
Ata o de agora, o Goberno galego leva realizado cinco envíos de material aos centros sociais da provincia que suman máis de 664.000 unidade de protección. Concretamente, 293.200 luvas, 356.332 máscaras, 15.193 traxes anti-salpicaduras e 808 pantallas de protección facial.
Estas entregas estanse a realizar a través da plataforma loxística que a Xunta puxo en marcha para centralizar a adquisición e a distribución de material de protección durante o Estado de alarma e a emerxencia sanitaria polo coronavirus.
