O Concello de Boiro comeza o reparto de máscaras de protección a toda a veciñanza

27 Abril 2020

O Concello de Boiro comeza esta semana a facer o reparto de máscaras de protección de forma xeral para todos os veciños e veciñas empadroados no municipio. Serán os operarios de Protección Civil os que se encarguen de facer este reparto porta a porta, que comezará mañá martes nas vivendas das parroquias de Macenda e Cures. 

A idea é ir facendo o reparto de máscaras por parroquias, comezando por aquelas de menos habitantes ata facer o reparto por todo o municipio. Nos primeiros días está previsto que se repartan unhas 2.000 unidades entre as vivendas destas dúas parroquias para seguir polos demais núcleos do municipio segundo se vaian confeccionando as máscaras. 

As máscaras estanas realizando un grupo de 50 persoas voluntarias que as confeccionan nas súas casas coa tela cedida por Jealfer e o material que se lles fai chegar desde o Concello. Disponse de texido para realizar unhas 25.000 máscaras, que se van destinar a repartir porta a porta a todos os veciños e veciñas segundo se vaia dispoñendo delas.  

Este reparto de máscaras, que comeza esta semana, complementa o que xa se veu facendo nas últimas semanas de xeito puntual a aquelas persoas de grupos de risco. Os operarios de Protección Civil estiveron levando de xeito puntual máscaras aos fogares das persoas en risco de vulnerabilidade que se derivaron desde o departamento de Servicios Sociais e tamén a outras persoas e colectivos como taxistas, empregados da praza de abastos ou de axuda no fogar máis expostas ao virus. 

Outros artigos

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....