O Concello de A Pobra proponnos a serie móvete na casa. Hoxe imos deixarvos unha actividade cun pouco de movemento por iso decidimos empezar co baile xa que cremos que é unha forma de comunicación artística e de expresión de emocións, sentimentos, pensamentos, imaxes e estados de ánimo do ser humano. Tamén é un medio para entreterse, divertirse e gozar con movementos rítmicos do corpo. Por estas razóns é unha actividade sumamente beneficiosa na formación do neno ou nena ao satisfacer a súa necesidade de expresión e creación, a través do coñecemento do seu propio corpo, axudándoo a descubrir as múltiples capacidades de movemento que este posúe, de acordo ao seu estado evolutivo e ao seu nivel de rendemento, canalizando desta maneira o seu potencial creativo e enerxético. Ánimo a todas as familias e esperamos vervos pronto coa coreografía aprendida. E se vos animades a gravar o voso vídeo en familia faremos ao final deste confinamento un vídeo recompila- torio con todas as actividades realizadas.
