A empresa pobrense COGALSA, referente en alimentación e produtos conxelados, está a poñer en marcha medidas para mitigar os efectos da pandemia. Se a comezos de abril deu a coñecer unha liña de doazóns de produtos con destino a diversas entidades sociais da comarca, a semana pasada puxo o foco nos máis pequenos do fogar e puxo en marcha un concurso de debuxo infantil, o certame A miña familia en casa. A iniciativa abéirase ao Proxecto Persoas de CONGALSA, e vai destinado “aos máis peques do noso equipo humano para así motivarnos estes días de confinamento”.
Segundo informa a empresa, o concurso consiste nun chamamento aos integrantes do equipo de traballadores da empresa que teñan familiares de idades comprendidas entre os 3 e os 13 anos, para que fagan un debuxo retratando o que supón para elas e elas estes días en casa nos seus domicilios e que o manden logo por WhatsApp. Das tres categorías establecidas seleccionaranse un gañador ou gañadora. Ademais do premio establecido para cada modalidade, todos os participantes recibirán un agasallo sorpresa.
