Cinco meses de cárcere para unha muller que fixo repetidos chamados nos timbres da praza de Vigo de Ribeira

13 Abril 2020

O xulgado de garda de Ribeira vén de condenar a cinco meses de cárcere a unha muller como “autora dun delito de desobediencia, coa agravante de reincidencia”. A sospeitosa, que segundo fontes xudiciais xa fora sentenciada por feitos semellantes esta mesma primavera (o 24 de marzo e o 9 de abril, ou sexa, durante o Estado de Alarma polo COVID-19) amosou a súa conformidade coa pena, polo que a xuíza ditou sentenza oral na sala. A muller recoñeceu que na noite deste 13 de abril premeu nunha chea de timbres de domicilios da contorna da praza de Vigo, que remataron por alertar á Policía.

A condenada, ao ver chegar aos axentes, encarouse con eles e esgrimiu, ao preguntarlle polas motivacións da súa actitude, que a chamada aos domicilios respondía simplemente a “porque lle daba a gana”. A muller tamén insultou aos axentes e persistiu nun delito de desobediencia, xa que non depuxo a súa actitude malia terllo requirido en repetidas ocasións.

A xuíza denegou nun auto a suspensión da condena de cinco meses de cárcere, polo que a arrestada ingresará en prisión. “O actuar ilícito e continuo da condenada, obviando as graves circunstancias sanitarias concorrentes, obrigan a non suspender a pena de prisión imposta”, destaca.

Outros artigos

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

En Ribeira a rapazada de Banda ó Río estrea un novo parque infantil

O barrio ribeirense de Banda ó Río estrea hoxe un parque infantil completamente renovado. O goberno local, xunto cun bo número de veciños e veciñas, puideron comprobar as novas instalacións de xogo. O investimento para actualizar o Parque de Pedra Pateira ascendeu a...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...