A vela galega crea unha regata virtual

10 Abril 2020

A Real Federación Galega de Vela puxo en marcha un campionato virtual, en monotipos J70/ J80, que foi acollido con enorme entusiasmo e participación por parte dos regatistas galegos, inscritos en número de 197 e representando a trinta clubs da comunidade autónoma.

Baixo o nome de Regata Galicia contra o Covid-19, o director técnico da RFGV, Bruno Gago, deseñou un evento para regatistas, adestradores e xuíces con licenza galega activa en tres fases: regatas clasificatorias hoxe e mañá, semifinais o Xoves e Venres Santo e a gran final o sábado. Utilizando a aplicación Virtual Regatta Inshore, os patróns foron situados en dez grupos. Para adaptarse ao xogo, a RFGV organizou un adestramento previo que se adxudicou César Ferreiro (RCN Coruña), que sumou 6 puntos en cinco regatas, con Jacobo García (RCN Sanxenxo) e o técnico Ero Pons como segundo e terceiro, respectivamente, empatados estes con Fernando Sánchez ( CN Arousa Norte) a 7 puntos. Cada proba, cuxo campo de regatas establece a RFGV, dura entre 8 e 10 minutos, e a competición celebra un total de cincuenta (cinco por grupo), o que implica máxima atención dos patróns e enorme pericia. A medida foi tomada pola Real Federación Galega de Vela para manter activos aos regatistas, dentro do confinamento do estado de alarma. Ata o momento foron numerosas as regatas locais, clasificatorias e autonómicas que se suspenderon desde que o pasado 12 de marzo a RFGV decidise a cancelación de calquera actividade e, entre elas, dúas de rango nacional: a Copa de España de 6 M, en Sanxenxo, e a Copa de España de Snipe-Memorial Cholo Armada en Vigo. Nesta regata virtual hai rexistrados recoñecidos regatistas, entre eles a xeración dourada da clase 420, co vigués Martín Wizner (RCN Vigo), o arousán Jacobo García (RCN Sanxenxo) e o coruñés Toni Ripoll (RCN Sanxenxo). Ás semifinais avanzarán só 60 regatistas, mentres que á gran final sabatina chegarán vinte. (Atlántico)

Outros artigos

O alumnado de Tahume IX completa a súa formación teórico-práctica

A semana pasada un grupo de alumnas e alumnos do Obradoiro de Emprego Tahume IX, impulsado polos Concellos de Porto do Son e Ribeira para favorecer a inserción laboral da poboación da nosa comarca, presentouse ás probas da Educación Secundaria Obrigatoria (ESA) que se...

+

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...