A Policía Local de Rianxo realizou 55 denuncias por circular e ficar na rúa sen causa xustificada

01 Abril 2020

A Policía Local de Rianxo vén de facer balance das actuacións realizadas no concello dende que se activou o Estado de Alarma por mor do COVID-19, que, como lembraremos, levou consigo unha serie de disposicións destinadas a frear o avance da pandemia, por exemplo a prohibición de facer desprazamentos, a pé ou na estrada, agás que fosen xustificados e estritamente necesarios. Segundo se fai saber no balance, controlouse un total de 929 vehículos e identificáronse 232 persoas. Amais, realizáronse 55 denuncias a persoas por circular e permanecer na vía pública sen causa xustificada (destas 55 denuncias algunhas correspóndense a persoas reincidentes).

Por outra banda, denunciouse un establecemento hostaleiro por incumprir a orde de peche e máis cinco persoas condutoras de vehículos por dar positivo na proba de drogas. A Policía Local de Rianxo tamén investigou a dous cidadáns por delitos contra a seguridade viaria, nos dous casos por cuadriplicar a taxa de alcohol permitida.

No balance de accións faise saber, a maiores, que se detivo a unha persoa por un delito de violencia de xénero.

Por último, os axentes lembran que se están a realizar de maneira continua controis policiais para vixiar as medidas establecidas.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...