A Deputación da Coruña está a impulsar dende hai semanas medidas para que a súa importante acción formativa se desenvolva con normalidade a través das novas ferramentas informáticas. Sen ir máis lonxe, este 16 de abril a entidade provincial convocou dous cursos online para o persoal do servizo de asistencia no fogar (SAF) dos concellos da provincia, co obxectivo de dotar ás traballadores e traballadores de recursos que lles permitan mellorar aínda máis o seu labor.
Os cursos responden ás demandas dos responsábeis dos SAF municipais, ante a imposibilidade de facelos presenciais que estaban previstos. O prazo de matrícula está aberto ata o venres, 17 de abril. Trátase de dúas actividades formativas: o programa sociosanitario de mellora para o fogar (20 horas, 40 prazas, con inicio o día 27 de abril e remate o 19 de maio), e o programa de organización e limpeza do domicilio dunha persoa dependente (40 horas, 40 prazas, con inicio o día 21 de maio e remate o 23 de xuño).
