A Delegación do Goberno continúa a repartición de máscaras a entidades benéficas, centros de maiores e o tecido social de Galicia

15 Abril 2020

O Goberno central continúa a repartición de máscaras a entidades benéficas, centros de maiores e o tecido social da Comunidade. Nos dous primeiros días da semana, desenvolveuse unha destacada acción de distribución de máscaras en 260 puntos da xeografía galega, co obxectivo de chegar aos traballadores que retomaban a súa actividade tras a hibernación e desprazábanse en transporte público. Agora, esta actuación intensifícase coa entrega de máscaras ao tecido social galego, coa intención de chegar ao maior número de persoas que desenvolven a súa actividade en sectores esenciais vinculados ao ámbito social. A Delegación do Goberno xa estableceu contactos con entidades benéficas, centros de maiores e asociacións do tecido social da Comunidade para dar resposta ás súas necesidades. Desta maneira, desde hoxe comeza a entrega de máscaras para aumentar a protección xa non só nos desprazamentos, senón tamén no desenvolvemento das actividades. O delegado do Goberno quixo agradecer o esforzo da Policía Nacional, a Garda Civil, a Policía Local e as agrupacións de Protección Civil dos concellos de Galicia, que fixeron posible chegar a boa parte dos galegos que traballan en sectores esenciais. A entrega das 602.000 máscaras levouse a cabo sen aglomeracións nin problemas de distribución. Un feito vinculado á colaboración entre administracións e a responsabilidade cívica, dunha sociedade comprometida e consciente da emerxencia sanitaria. De feito, hoxe continuou nalgúns municipios onde onte foi festivo, como é o caso de Monforte de Lemos, en Lugo. O delegado do Goberno lembrou, como en días anteriores, que o uso de máscaras “non é obrigatorio, pero si recomendable” e reflexionou , ademais, sobre a importancia de protexer tamén a quen está obrigados a continuar na rúa para loitar contra o virus como o persoal sanitario, as forzas de seguridade ou os traballadores de servizos esenciais como a alimentación.

DISTRIBUCIÓN DE MASCARILLAS EN GALICIA

   PROVINCIA        UNIDADES
   A CORUÑA         250.000
   LUGO              74.000
   OURENSE          68.000
   PONTEVEDRA   210.000

Outros artigos

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...