O Ministerio de Sanidade actualizou o balance de contaxiados e falecidos por coronavirus en España ao 10 de abril.
- 15.843 mortos, fronte aos 15.238 falecidos do xoves. Son 605 nas últimas 24 horas, o dato máis baixo desde o 24 de marzo
- 157.022 casos contaxiados, fronte aos 152.446 do día anterior. Son 4.576 máis.
- 55.668 recuperados. A véspera xa foran dados de alta 52.165.
Galicia chega ós 6.946 casos confirmados, 151 deles en UCIs. Hai 243 mortos e 997 curados.
Madrid, a comunidade máis afectada, contabilizaba ata onte 43.877 contagios e 5.800 falecidos, con 1.433 persoas ingresadas na UCI e 21.121 dadas de alta. A Madrid séguelle Cataluña, cuns datos que convidan o optimismo. Segundo o último rexistro, o número de persoas falecidas por mor da COVID-19 nas últimas 24 horas foron 83, a cifra máis baixa rexistrada nesta comunidade desde o 23 de marzo, co que o cómputo global desde o comezo da pandemia elévase a 3.231 persoas. PUBLICIDADE O departamento de Saúde da Generalitat informou de que nas últimas horas confirmáronse 684 positivos novos, menos da metade que o xoves (1.396), o que suma un total a 31.727.