En Boiro, ao longo destes días denunciouse a un varón que paseaba alegando que estaba aburrido na casa, dúas persoas que saíron xuntas pola avenida de Compostela aducindo que se dirixían a un videoclub a por unha película, e un individuo que expuxo que tiña que recoller cabichas da rúa.
Por outra banda, un mozo atopábase na vía pública cando foi interceptado por unha patrulla da Garda Civil. Ante isto, respondeu que descoñecía que se decretase o Estado de alarma porque non ten televisión na vivenda e que estaba escoitando música polos auriculares.