A partir das 12 da noitedeste venres pecharan todolos bares e restaurantes. Unicamente dará servizo a restauración ós seus clientes residentes e poderán dar servizo os establecementos que faciliten comida a domicilio con certas medidas.
O Consello da Xunta declarou a situación de emerxencia sanitaria en Galicia, o que dá potestade ao Goberno galego para tomar medidas que afecten á cidadanía.
Alberto Núñez Feijóo explicou que poderá implicar as modificacións orzamentarias necesarias para facer fronte á propagación do coronavirus e convidou os cidadáns ao illamento social. A Xunta activou o plan territorial de emerxencias, que se instrumentará mediante un centro de coordinación operativo que dirixirá o propio Feijóo, acompañado polo vicepresidente da Xunta, o delegado do Goberno, o conselleiro de Sanidade e persoal de emerxencias e forzas de seguridade.
O presidente da Xunta anunciou o peche ao público de bares, restaurantes e cafeterías. Poderán prestar servizos de envío a domicilio e entregar comida no local “gardando a distancia de seguridade establecida” e @teniendo en cuenta que “a permanencia no establecemento será a estritamente necesaria”. Non quedan afectados os servizos de restauración de hoteis sempre que se dediquen aos propios clientes do hotel. Tampouco as cafeterías que estean en locais de servizos públicos.
Poderán seguir operando os comercios polo miúdo de alimentación: fruterías, carnicerías, farmacias, gasolineiras e peixarías. Para as grandes superficies impóñense restricións, pois só poderán ter aberta a zona dos establecementos de alimentación. Clausuranse os cinemas e teatros, salas de xogo, concertos e auditorios; tamén recintos feirais de lecer e entretemento, furanchos, cafés espectáculo, pavillóns, ximnasios, piscinas e albergues do Camiño de Santiago.
Tamén se impoñen límites para os funerais e de 25 persoas nos tanatorios. O obxectivo é limitar ao máximo as concentracións de xente. Estas medidas actualizaranse diariamente, pero a previsión é que estean en marcha desde as 00.00 horas do sábado e durante 14 días.