Rianxo en Común propón reclamar con urxencia a Portos de Galicia o arranxo dos pantaláns

10 Marzo 2020

A agrupación Rianxo en Común que coordina Julián Bustelo vén de presentar unha moción para ser debatida en pleno e que ten relación directa co estado no que se atopan determinadas zonas das instalacións do porto de Rianxo, unhas infraestruturas que, en palabras do grupo, levan moito tempo “presentando un estado perigoso para a integridade dos traballadores e das traballadoras que a diario teñen que facer uso delas”.

A plataforma político-cidadá pon o foco no desgaste dos listóns de madeira dos pantaláns, especialmente nun deles, onde hai varias táboas rotas dende hai unhas semanas. Esta rotura e o furado resultante, lembra a agrupación, foi o que ocasionou un accidente a unha traballadora do porto o pasado 5 de marzo.

Rianxo en Común fai saber no seu escrito que “este accidente podía terse evitando, xa que con antelación aos feitos se lle notificara a Portos de Galicia o mal estado do peirao flotante e a existencia do dito buraco”. Porén, o colectivo recorda que a resposta de Portos “foi a mesma que tantas outras nos últimos anos se recibiron ás peticións emitidas pola Confraría de Pescadores de Rianxo: mirar para outro lado malia que forma parte das súas funcións a xestión deste tipo de instalacións, tal e como está recollido no artigo 9 da Lei 6/2017, do 12 decembro”.

Por todo o devandito, Rianxo en Común solicita o seguinte: instar a Portos a que cumpra coas demandas formuladas dende a Confraría de pescadores e que realice as actuacións precisas para garantir que os traballadores desenvolvan o seu labor en condicións de seguridade.

Outros artigos

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...