Non todo son malas noticias, así os niveis de concentración de dióxido de nitróxeno, un dos principais responsables da contaminación do aire, diminuíron unha media do 64% nas principais cidades españolas tras as medidas decretadas para a loita contra o coronavirus. Onde máis baixaron foi en Barcelona, cun 83%. En Madrid, a redución foi dun 73% e en Valencia, dun 64%. Estes son algúns dos resultados dun estudo desenvolvido por investigadores da Universitat Politècnica de Valencia ( UPV), pertencentes ao Centro de Tecnoloxías Físicas. Para iso, o equipo da UPV analizou imaxes satelitales da misión Sentinel-5 P do programa Copernicus da Axencia Espacial Europea (ESA), comparando datos de dous períodos: do 10 ao 14 de marzo, por unha banda, e do 15 ao 20, por outro. A partir destes datos, xeraron unha serie de mapas que mostran as concentracións de dióxido de nitróxeno nalgunhas das principais cidades españolas. Segundo destaca Elena Sánchez-García, investigadora do grupo Land and Atmosphere Remote Sensing (LARS- UPV) do Centro de Tecnoloxías Físicas da UPV, o dióxido de nitróxeno é un importante indicador da calidade do aire. “Altas concentracións deste gas poden afectar o sistema respiratorio e agravar certas patoloxías. Ademais, este gas está relacionado coa formación de choiva aceda”, apunta. (65ymas.com)
