Os youtubers seguen a encher de vídeos o Rianxo Streaming Festival

23 Marzo 2020

A xente da música, a arte e a divulgación, e a veciñanza youtuber en xeral seguiu esta fin de semana que vimos de deixar atrás facendo importantes contribucións ao Rianxo Streaming Festival, o festival de audiovisuais online lanzado polo Concello para, por unha banda, combater a monotonía dos días de reclusión motivados pola pandemia de COVID-19 e, pola outra, para face irmandade e forza común arredor dun problema que nos afecta a todas e todos.

Entre as novas incorporacións cómpre salientar o cantar Collín toxos e flores interpretado de maneira simultánea (e dende distintos emprazamentos de confinamento) por integrantes da Asociación Fogo Fatuo, ou, tamén, a rumba Montealegre que interpreta, tocando unha manchea de instrumentos, José Caamaño Romero. O primeiro dos vídeos xa amorea case 600 reproducións e o segundo vai preto das 800.

Caamaño Romero interpretando unha manchea de instrumentos no seu vídeo

O certame

O Concello de Rianxo quixo pór o seu gran de area para facer que o confinamento da veciñanza fose estes días o máis levadeiro posíbel. Por esta razón, puxo en marcha esta semana un certame de creación de “contidos dixitais contra aburrimento na corentena”, o Rianxo Streaming Festival. O obxectivo é converter en fervedoiro de talento e participación a reclusión forzosa da xente nos seus fogares derivada do estado de alarma para frear o espallamento do andazo de COVID-19.

Co gallo do festival poderase presentar todo tipo de contribucións dixitais: música, contos, monólogos, divulgación, etc. Este material será publicado na canle de YouTube ou compartidos nas propias redes sociais co cancelo #RXtreaming. “O noso obxectivo non é outro que combater o aburrimento e fomentar a creatividade, ao tempo que reforzar o sentimento de pertenza a unha comunidade veciñal tan activa como a rianxeira”, explican dende o Concello, debullando os pasos para participar no certame.

Outros artigos

As augas de Tanxil, As Cunchas e Torre, cualificadas de excelentes

O Concello de Rianxo informou esta semana que as tres praias locais incluídas no Rexistro de Augas de Baño de Galicia (Tanxil, As Cunchas e A Torre) foron cualificadas polo Servizo Galego de Saúde como de “calidade excelente". Ademais, os tres areais están incluídos...

+

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...