Os actos das Mulleres de Barbanza polo 8 de mazo inclúen un mural colectivo e un acto reivindicativo no monumento ás Amas de Casa

06 Marzo 2020

A Asociación de Mulleres da Barbanza vén de achegarnos máis detalles sobre a súa celebración deste domingo: unha xornada reivindicativa e creativa para conmemorar, en Ribeira, o Día Internacional da Muller Traballadora. A mobilización, como dixemos os días pasados, comezará ás 11 horas na praza de España. Amais da concentración neste emprazamento, á que se convoca a participar ao meirande número de familias de Ribeira e da contorna, haberá unha pintada colectiva de murais e, sobre as 12.45 horas, unha marcha cara a monumento das Amas de Casa da localidade, onde se colocarán unhas ás como símbolo de liberdade e dun futuro cen por cen igualitario no que á práctica dos coidados se refire, hoxe en día levados a cabo principalmente polas mulleres (e sen recoñecemento social e económico de case ningún tipo).

Logo da colocación das ás, procederase á lectura dun manifesto.

O lema

O lema desta convocatoria do 8 de marzo será o seguinte: Sen coidado non hai vida, mudando o sistema, derrubando o patriarcado. Mulleres da Barbanza adhírese de maneira integral a esta reivindicación para “poder compatibilizar os coidados co traballo remunerado, unha necesidade que reclamamos dende o século pasado e que aínda a día de hoxe non é unha realidade”.

Murais colectivos

A cita convocada por Mulleres do Barbanza céntrase na praza de España de Ribeira, onde se levará a cabo un acto reivindicativo (de 11 a 13 horas) e máis a lectura do devandito manifesto. Previamente á lectura traballarase colectivamente na elaboración de murais feministas na contorna da devandita praza. Están chamadas e chamados e participar non só as mulleres de Ribeira e da comarca, senón tamén familias enteiras co fin de acadar a máxima repercusión (“toda a veciñanza en xeral para aportar o noso grao de area no pintado dos murais”).

Outros artigos

O Concello de Ribeira reforza o alumeado público na rúa de Galicia

O Concello de Ribeira informou dun reforzamento do alumeado público nalgunhas contornas do centro urbano da cidade, concretamente no treito da rúa Galicia comprendido entre o Mercado Municipal e o cruzamento co Parque García Bayón. Segundo informaron fontes do...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...