As entidades e organizacións da nosa comarca están a poñer todo da súa parte para paliar os efectos negativos derivados do confinamento e as restricións de mobilidade derivadas do decreto de alarma por mor do COVID-19. É o caso das voluntarias e voluntarios de Protección Civil da Pobra do Caramiñal, que veñen de pórse do lado “dos colectivos máis necesitados” para axudalos durante o período de reclusión no fogar imposto a pasada fin de semana.
En termos concretos, o grupo de Protección Civil puxo en marcha un servizo de axuda que funcionará principalmente polas mañás, en horario de 9.00 a 13.00 horas, e do que se pode botar man a través do número de teléfono 881 083 967.
Mediante desta iniciativa, o voluntariado da Pobra porá o foco en levar alimentas ou medicamentos ás persoas con mobilidade reducida, ás persoas de idade e á poboación local de risco. Protección Civil comprométese a ir por estas veciñas e veciños á compra nas tendas e supermercados ou á farmacia na procura de medicamentos. O Grupo de Atención Sociosanitaria tamén estará operativo a través do teléfono 636 485 078.
