O TSXG apraza a vista de apelación do caso Diana Quer ao 28 de abril pola crise sanitaria do Covid-19

25 Marzo 2020

 A Sala do Civil e Penal do Tribunal Superior de Xustiza de Galicia (TSXG) acordou aprazar a vista de apelación polo crime de Diana Quer prevista para o próximo 31 de marzo ao 28 de abril ás 11 horas. Os maxistrados indican na providencia que toman a decisión baixo a vixencia do Real Decreto 463/2020, do 14 de marzo, no que se declarou o estado de alarma debido á crise sanitaria do Covid-19. O tribunal considerou “decisivo” á hora de decretar a suspensión da vista que a data de vencemento da prisión provisional decretada para o sospeitoso “non é próxima no tempo”, pois vence en decembro de 2032. A Sala do Civil e Penal tamén destaca que existen “dificultades técnicas” para a celebración por videoconferencia da vista e resaltan os “riscos para a saúde” que suporía para as persoas que necesariamente estarían implicadas nela.

A avogada do acusado recorreu ante o TSXG a sentenza da sección sexta da Audiencia Provincial da Coruña, con sede en Santiago, que, de acordo co veredicto do Tribunal do Xurado, o condenou como autor da morte de Diana Quer á pena de prisión permanente revisable e a dez anos de liberdade vixiada por cometer un asasinato con aleivosía, cometido para ocultar outro delito e subseguinte a un delito contra a liberdade sexual da vítima, coa concorrencia da circunstancia atenuante analóxica de confesión. Ademais, condenouno, como autor responsable dun delito de detención ilegal e dun delito de agresión sexual, en concurso medial, coa concorrencia da circunstancia atenuante analóxica de confesión, á pena de catro anos de prisión e a cinco anos liberdade vixiada.

Xuizo Diana Quer

Outros artigos

A Pobra do Caramiñal mostra xa ao Valle-Inclán máis íntimo

A cesión de obxectos persoais e mobiliario do Pazo da Mercé onde residiu o autor, xunto á súa biblioteca persoal, completa a colección do seu museo na localidade coruñesa. O pleno do concello da Pobra do Caramiñal aprobaba esta mesma semana unha corrección de erros...

+

Publicidade

Revista en papel

Opinión

“Hacia la España federal”. Xosé Perozo

“Hacia la España federal”. Xosé Perozo

Si se cumplen las predicciones demoscópicas, el próximo domingo EH Bildu ganará las elecciones en el País Vasco, superando por primera vez al PNV en escaños y en votos. El fenómeno de crecimiento abertzale está rasgando las vestiduras de muchos politólogos y...