A pasada semana arrancou a iniciativa impulsada polo Museo Valle-Inclán da Pobra do Caramiñal para descubrir, desde a casa e xuntos, arte e cultura a través dunha sorte de coleccionable ou de colaboración diaria inspirada para poñer en valor a figura do máximo expoñente do esperpento. De feito, xa van seis as caricaturas e retratos de Ramón del Valle-Inclán amosados a través da Rede. O de hoxe consiste nun retrato heráldico realizado por Ramón Castro Gil, datado de 1944, empregando a fototipia.
Así, mentres dure a actual situación sanitaria, cada xornada ábrese a colección patrimonial para ofrecer unha escolma dos seus fondos, converténdose así nun Museo virtual para un público non presencial.
As persoas interesadas poden seguir as publicacións a través do Facebook de Turismo A Pobra do Caramiñal e da páxina web www.apobra.gal.
