Dez artistas participarán a partir deste mércores 11 nunha exposición colectiva de pintura e fotografía organizada na ribeirense Casa do Concello e promovida por O Faiado Tenda-Galería.
A mostra constará dunhas corenta obras de numerosos creadores: en pintura, Beatriz Martínez del Campo Ricoy, Antonio Pérez, Santarelli, Hugo Mario Pereira Bengua, Maralla e Novais; e en fotografía, Manuel Paz, Óscar García, María Porto e Olegario Sampedro.
A apertura está programada para mañá, ás 13.30 horas, e as persoas interesadas terán a ocasión de visitala ata o 30 de abril.
