O Centro de Coordinación do estado de alarma intensificará a presenza policial en lugares clave

16 Marzo 2020

Por mor de facer efectivas as medidas do Goberno central en Galicia co gallo do COVID-19, constituíse este luns en Galicia o Centro de Coordinación para o cumprimento das esixencias dispostas no estado de alarma. Na posta en marcha do Centro, que xunta mandos das Forzas e Corpos de Seguridade do Estado na nosa Comunidade, participou o delegado do Goberno Javier Losada. Na sesión tamén se deu forma aos Centros de Coordinación nas Subdelegacións do Goberno na Coruña, Lugo, Ourense e Pontevedra, nas que teñen presenza responsábeis de Policías Locais. Segundo se fixo saber, unha das primeiras medidas será intensificar a presenza policial en lugares clave.

Na primeira xuntanza traballouse, precisamente, na coordinación de todas as forzas e na optimización dos persoais. Como dixemos, decidiuse reforzar a súa presenza en lugares estratéxicos da Comunidade, sobre todo aqueles relacionados coa prestación de servizos básicos á poboación.

Tamén se fortaleceron os servizos de información á cidadanía, poñendo o foco nunha “atención especial ás fronteiras e puntos estratéxicos” así como “a zonas comerciais para facilitar o normal desenvolvemento das actividades de servizo público esencial”.

O delegado do Goberno destacou “o alto grao de cumprimento da cidadanía sen case incidencias” e apelou “á responsabilidade da sociedade galega nestes momentos complicados”.

En termos concretos, dixo que no primeiro día laborábel do Estado de Alarma a circulación reduciuse en Galicia un 67% con respecto ao luns pasado.

Outros artigos

O novo Auditorio de Ribeira abrirá o sábado 1 de xuño

O novo Auditorio Municipal de Ribeira abrirá as súas portas o sábado 1 de xuño e para celebrar a súa apertura, a Concellería de Cultura está a organizar unha programación especial que se estenderá ao longo de todo o mes. Esta coincidirá co "Xuño dá Cultura e as...

+

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...