O Concello de Boiro vén de anunciar unha redución do horario do aparcamento municipal, que estará só aberto polas mañás e que, ademais, terá as barreiras levantadas, polo será de balde para as veciñas e veciños. Con esta medida, o Goberno local quere seguir dando servizo aos usuarios da Praza de Abastos, ao tempo que se reduce racionalmente a actividade do estacionamento.
En definitiva, o aparcamento municipal estará aberto de luns a xoves, e tamén os sábados, de 7.00 a 15.00 horas e os venres de 7.00 a 21.30 horas, coincidindo cos horarios do Mercado Municipal. A medida adoptouse logo de que o Goberno central decidise dar un novo paso nas restricións motivadas pola pandemia de COVID-19 e o estado de alarma, unha iniciativa que levou a reducir os sectores e empregos que fornecen de servizos á sociedade. “Con esta medida o que se pretende é que os usuarios/as non precisen manipular as maquinas de cobro, posto que as barreiras estarán levantadas”, explicouse.
