A crise sanitaria polo coronavirus agravarase durante o mes de abril. Así o prevé a Xunta, que espera o pico de contaxios ao longo deste mes debido a que en Galicia comezou máis tarde a pandemia.
“Se este marzo foi duro, máis duro será abril”, dixo Alberto Núñez Feijóo. “Manexamos distintos modelos e escenarios, pero todas as análises coinciden: non chegamos ao pico, aínda que esperemos que nos esteamos achegando”, insistiu o mandatario autonómico.
A propia planificación da Xunta prevé poñer en marcha as medidas máis drásticas avanzado o mes. Segundo indicou Feijóo, “estamos na fase dúas”. A partir da fase tres interviranse os recursos da sanidade privada que, aínda que xa se están utilizando, aínda manteñen polo menos 500 camas e 79 UCis libres. axencias.
