En torno ás 22.56 horas de onte declarouse un incendio forestal na zona de A Portela, na parroquia pobrense de Lesón. Rexistráronse seis focos simultáneos, razón pola que non se descarta que puidese ser intencionado, cuxa fronte era dun quilómetro e que se dirixía cara O Iroite.
Ao lugar desprazáronse catro axentes, catro brigadas e cinco motobombas (unha motobomba de Protección Civil de Boiro, dúas do distrito de Noia, unha de Carnota, outra de Ordes, catro voluntarios de Protección Civil da Pobra, tres axentes forestais e unha brigada de Ordes).
O lume deuse por extinguido ao redor das 03.56 horas e estímase que a superficie afectada fosen 7’50 hectáreas de terreo raso.
