Este martes chegou unha nova visita virtual ao Museo Valle-Inclán da man de Siro López

24 Marzo 2020

Cultura e historia para combater a reclusión nos nosos fogares e para seguir mantendo abertas as xanelas do pensamento. Esta é a base sobre a que se asentan as visitas virtuais diarias que está a organizar o Museo Valle-Inclán da Pobra da Caramiñal con motivo de facernos esquecer, durante uns intres, as circunstancias derivadas da pandemia. A iniciativa, que se puxo en marcha a semana pasada con feitura de experiencias diarias coleccionábeis dirixidas a enxalzar a obra e a vida do autor de Divinas Palabras, chegou este martes 24 de marzo á súa sétima entrega.

Na visita afóndase novamente na vertente máis pública e política de don Ramón del Valle-Inclán, seguindo a liña da temática abordada esta semana. En concreto, móstrase a visión do artista Siro López sobre o ilustre escritor pobrense.

Por certo que mentres dure a actual situación sanitaria, cada xornada ábrese a colección patrimonial para ofrecer unha escolma dos seus fondos, converténdose así nun museo virtual para un público non presencial.

As persoas interesadas poden seguir as publicacións a través do Facebook de Turismo A Pobra do Caramiñal e da páxina web www.apobra.gal.

Outros artigos

A Pobra do Caramiñal mostra xa ao Valle-Inclán máis íntimo

A cesión de obxectos persoais e mobiliario do Pazo da Mercé onde residiu o autor, xunto á súa biblioteca persoal, completa a colección do seu museo na localidade coruñesa. O pleno do concello da Pobra do Caramiñal aprobaba esta mesma semana unha corrección de erros...

+

Publicidade

Revista en papel

Opinión

“Hacia la España federal”. Xosé Perozo

“Hacia la España federal”. Xosé Perozo

Si se cumplen las predicciones demoscópicas, el próximo domingo EH Bildu ganará las elecciones en el País Vasco, superando por primera vez al PNV en escaños y en votos. El fenómeno de crecimiento abertzale está rasgando las vestiduras de muchos politólogos y...