A Xunta prevé que a curva empece a baixar entre o sábado e o mércores, en función da evolución dos próximos días.
Segundo Sanidade trátase dun dos “posibles escenarios”, porque o pico pódese atrasar, en función da evolución, xa que os contaxios destes días maniféstanse entre “tres e seis” xornadas.
Ante a inminencia do pico por coronavirus no país, Sanidade pide que se extremen as medidas de hixiene para lograr a baixda de contaxios prevista para a próxima semana e manter o illamento social porque estes días son os de máxima transmisión.
A Consellería de Sanidade lembrou que en Galicia os profesionais infectados ata a data sitúanse nuns 125, entre médicos, persoal de enfermería e outros, o que implica o 9% dos casos activos, por baixo do 12% que marca a media estatal.
