Seis barbanzáns figuran na lista con datos de 5.258 persoas falecidas durante a II Guerra Mundial en campos de concentración nazis. a relación aparece na web www.fallecidosenloscamposnazis.org. Trátase dun proxecto da asociacion Amical de Mauthausen e o Ministerio da Presidencia.
No listado de falecidos figuran os ribeirenses José Callón Peón(29 anos) morto o 18 de febreiro de 1943 en Mauthausen e Manuel Fernández Parada(26 anos) falecido en Gusen o 13 de mail de 1942.
Tamén figuran os pobrenses Francisco Caamaño Fernández( 34 anos) morto o 3 de novembro de 1941 en Gusen, Juan Cameán San Isidro (25 anos) falecido o 29 de setembro de 1941 en Hartheim, José Millán Martínez ( 26 anos) morto o 15 de xaneiro de 1942 en Gusen e José Minguez Castro (34 anos) falecido o 10 de xaneiro de 1943 en Gusen todos dependentes do campo principal de Mauthausen.
A web foi presentada este xoves no Instituto Cervantes, polo secretario de Estado de Memoria Democrática, Fernando Martínez López, e o historiador Juan Manuel Gascón, da Asociación Amical de Mauthausen e outros campos. A páxina (https://fallecidosenloscamposnazis.org) recopila os datos persoais e nos casos que se pudo unha pequena biografía das 5.258 personas que morreron, dos 9.000 españois deportadas desde Francia entre 1940 e 1944 nos diferentes campos de Mauthausen.
