Boiro Comisión de Seguimento da Evolución do COVID-19

O Concello de Boiro celebrou esta mañá a segunda Comisión de Seguimento da Evolución do COVID-19 para facer unha análise da situación e tomar novas medidas. A sesión deste órgano de coordinación tratou de facer un análise do funcionamento dos distintos protocolos que se están levando a cabo no Concello de Boiro para facer fronte á pandemia do coronavirus, tanto en materia de servicios sociais e atención a persoas de especial vulnerabilidade, como de limpeza e desinfección e tamén de seguridade.

O Servizo de Axuda a Persoas en Situación Vulnerable está funcionado sen incidencias gracias á coordinación que se fai desde Servicios Sociais con Protección Civil e as entidades locais de Cáritas e Cruz Vermella. Os voluntarios están atendendo a casos puntuais que precisan alimentos, bens de primeira necesidade ou medicinas e tamén outros casos de familias que precisan deste servicio de maneira reiterada.

Os operarios municipais encargados da limpeza viaria están realizando tamén tarefas diarias de desinfección e limpeza de maneira diaria en todas as parroquias do municipio para chegar a todos os núcleos de poboación. Nas zonas urbanas están facendo especial incidencia onde hai supermercados e farmacias, os lugares con maior afluencia de xente. Os operarios están prestando especial atención na desinfección de mobiliario público, contedores, parques infantís, barandillas e zonas de paso… No referente á seguridade e control do cumprimento do Estado de Alarma, a Policía Local está facendo de xeito continuo advertencias á poboación de que non se pode saír para máis que o estritamente necesario. Esta actividade de control seguirase desenvolvendo e intensificando nos próximos días, tanto a Policía Local como os demais corpos de seguridade.

No caso de supermercados e outros establecementos de primeira necesidade que permanecen abertos, estanse cumprindo as medidas de seguridade e saúde pública, respectando as distancias e outras medidas como utilización de guantes e limpeza de carros e cestas da compra, que son manipuladas por moitas persoas.

O Concello de Boiro está facendo tamén un inventario de material das distintas instalacións municipais para garantir o subministro entre os empregados públicos e ver tamén que material se pode poñer a disposición do Centro de Saúde ou Hospitais Comarcais no caso de que o necesiten.

Na xuntanza estiveron presentes o alcalde, José Ramón Romero, o teniente de alcalde, Luís Ruíz, a concelleira de Persoal, María Outeiral, o Coordinador de Protección Civil e o Oficial-Xefe da Policía Local.