As mulleres do sector pesqueiro galego en Madrid para dar visibilidade aos seus oficios, no marco do Día Internacional da Muller Traballadora

07 Marzo 2020

A conselleira do Mar, Rosa Quintana, acompañou hoxe ás mulleres do sector pesqueiro galego que participaron na concentración convocada na praza de Colón para mostrar a toda España as peculiaridades e características das profesións das mulleres do mar. No marco do Día Internacional da Muller, as traballadoras do complexo mar-industria de Galicia e do resto de España -como mariscadoras, percebeiras, redeiras,
pescantinas ou biólogas, entre outras- mostran ata as 18,00 horas de hoxe nos Xardíns do Descubrimento os traxes, instrumentos e aparellos que empregan no seu día a día co obxectivo de darlle visibilidade ao seu importante labor e á dureza dos seus oficios.
O acto, que se enmarca nas accións promovidas pola Asociación Nacional de Mulleres da Pesca (Anmupesca), súmase a outras como unha campaña para dar visibilidade ás profesións femininas da pesca a través das redes sociais mediante fotografías de traballadoras durante a súa xornada de traballo.
A conselleira do Mar, que estivo acompañada pola directora xeral de Desenvolvemento Pesqueiro, Susana Rodríguez, enxalzou a importancia da muller no sector pesqueiro galego e animou a Anmupesca a seguir con este tipo de iniciativas para dar a coñecer á sociedade a contribución feminina ao mundo do mar, unha contribución sen a que a cadea mar- industria de Galicia non sería a mesma. Declaracións da Conselleira na concentración en Madrid: Audio.
Anmupesca é unha organización sen ánimo de lucro constituída no 2016 en Madrid e desde aquela desenvolve un importante traballo no ámbito do asociacionismo a nivel estatal. Está composta por 31 asociacións de seis comunidades autónomas (Galicia, Principado de Asturias, Cantabria, Comunidade Valenciana, Andalucía e Madrid) e reúnen a máis de
15.000 mulleres ligadas ao mundo do mar en todo o país en asociación.
No caso de Galicia na pesca extractiva traballan preto de 500 mulleres, o que supón algo máis dun 4% do sector e no ámbito da acuicultura, máis de 1.100, é dicir, máis dun 21% do sector, das que de 700 traballan nas bateas. Dentro do marisqueo a pé, o 70% das persoas que se dedican a esta actividade son mulleres, é dicir máis de 2.600.

ROSA QUINTANA ACOMPAÑA ÁS MULLERES DO MAR DE GALICIA NA SÚA CONCENTRACIÓN EN MADRID PARA DAR VISIBILIDADE AOS SEUS OFICIOS
MULLERES DO MAR DE GALICIA NA SÚA CONCENTRACIÓN EN MADRID PARA DAR VISIBILIDADE AOS SEUS OFICIOS 

Outros artigos

Concentración en Ribeira tras un nuevo crimen machista en A Coruña

Un novo crime machista sacode A Coruña. Un home matou ao seu exmujer no piso que esta habitaba na cidade herculina, aumentando así o número de feminicidios en Galicia. O presunto autor xa foi detido polas autoridades. En resposta a esta situación, o colectivo...

+

Xa está a operativa a senda de Teira (Corrubedo)

O Concello de Ribeira informou este luns 16 de xuño de que xa está operativa a nova senda de Teira: habilitada para o tránsito seguro para os peóns logo dunha reforma integral levada a cabo pola brigada de Obras do Concello de Ribeira. Co obxectivo de mellorar o...

+

Abanqueiro recupera as súas Festas do Carme

A concelleira de Cultura, María Outeiral, participou na presentación do Serán de Abanqueiro xunto con María Dolores Dieste, membro da nova directiva da Comisión Virxe do Carme de Abanqueiro. Este sábado 21 terá lugar un serán que sirva como carta de presentación da...

+

Publicidade

Revista en papel

Opinión

“A morte do cadelo”. Luís Celeiro

“A morte do cadelo”. Luís Celeiro

Morreu o seu can, Xambrailo, e aínda anda coa dor no peito, nos ollos mollados, no corazóne na alma. A súa alma é tan grande que o ocupa todo, o que se ve e o que está detrás doque se ve, o de arriba e o de abaixo. El di, con toda a súa sabedoría no falar e con...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.